Wanafunzi Wenye Ulemavu Wa Macho Waliosaidiwa Walifaulu Kujiunga Na Elimu Ya Sekondari

Mkurugenzi wa Light for the World Joseph Banzi Akizungumza na waandishi wa habari katika Mkutano wa Wadau wa elimu jumuishi uliofanyika jijini Dar es Salaam.

Mwenyekiti wa Shirikisho la Watu wenye Ulemavu (Shivyawata) Ernest Kimaya akizungumza kuhusiana na elimu jumuishi katika mkutano wa wadau ulifanyika jijini Dar es Salaam.

Mratibu la Light For the World Belgium Koen Lein akizungumza kuhusiana elimu jumuishi katika mkutano uliofanyika jijini Dar es Salaam.

Na Chalila Kibuda, Michuzi TV

TAASISI ya Light for the World imesema kuwa asilimia 70 ya watoto wenye ulemavu wa macho waliosaidiwa kupatiwa vifaa vya kusomea na kupewa kipaumbele shuleni, walifaulu elimu ya msingi na kijiunga na sekondari na sasa wanatarajia kuwasaidia elimu ya sekondari.

Watoto wenye ulemavu wa macho waliosaidiwa na kufaulu elimu ya msingi na kwenda sekondari huko wasiposaidiwa usaidizi huo wa awali utakuwa umewakomboa.

Hayo yalielezwa na Mkurugenzi Shirika la Light For The World, Joseph Banzi, wakati akizungumza na waandishi wa habari, katika mkutano wa wadau mbalimbali wa kujadili namna watu wenye ulemavu wanapata fursa ya kuendelea na masomo bila ya kujali changamoto na ndioa maana serikali imeweka miongozo na sera kuhakikisha hakuna mtoto atakayeachwa nyuma.

Amsema taasisi hiyo yenye miaka mitano tangu kuanzishwa kwake, iliwasaidia watoto wenye ulemavu kupata elimu na asilimia 30 pekee kati ya idadi yote ndio walioshindwa kuendelea na masomo ya sekondari hivyo jitihada zaidi inafanyika katika kuhakikisha wanafunzi wenye ulemavu wote wanapata elimu.

Taasisi hiyo kwa sasa ina jumla ya watoto wenye ulemavu wa macho 311, kutoka katika mikoa ya Mororogo na Dodoma.

Amesema lengo la mkutano huo ni kubadilisha uzoefu kulingana na changamoto za watoto wenye ulemavu na namna kuwasaidia watoto hao.Alisema yapo mashirika mbalimbali yanayofanya kazi tofauti hivyo wamekutana kuona namna ya kushirikiana katika kuwasaidia watoto hao.

Aidha, alitaja aina ya changamoto zinazowakabili watoto wenye ulemavu ni kukosa matibabu na kukosa vifaa vya kuwasaidia kupata elimu.

Kwa upande wake, Mwenyekiti wa Shirikisho la Vyama vya Watu wenye Ulemavu (SHIVYAWATA), Ernest Kimaya, alisema wanaangalia njia bora zaidi ya kupata elimu jumuishi.

Amesema tafiti zinaonyesha kuwa, changamoto bado zipo zinafanya watoto wenye ulemavu kushindwa kupata elimu.

Changamoto ni ukosefu wa walimu wenye taaluma ya ulemavu na vifaa vya kufundishia na kwamba kuna sera za kuwajumuisha wanafunzi wote kupata elimu hata walio na changamoto za ulemavu bila ya ubaguzi.

Aidha, alisema jamii ina nafasi kubwa ya kuhakikisha inawatambua watoto wenye changamoto ya ulemavu.

“Mara nyingi wanaachwa nyumbani na wengine wanafungiwa ndani. Jamii inaweza kuwasaidia kwa kuwapazia sauti na pia inaweza inaweza kuchangia kwenye miundomboni kupitia kamati za shule,” alisema Kimaya.

Mkutano wa wadau wa juu ya elimu jumuishi.

GLOBAL EDUCATION LINK WAISAIDIA SERIKALI KUZALISHA RASILIMALI WATU WENYE UJUZI

Na Jacquiline Mrisho – MAELEZO.

Taasisi ya Global Education Link imeisaidia Serikali kuzalisha rasilimali watu wenye ujuzi na elimu ya kutosha ili watumike katika kuinua viwanda na uchumi wa nchi.

Hayo yamesemwa leo jijini Dar es Salaam na Mkurugenzi Mtendaji wa taasisi hiyo, Abdulmaliki Mollel alipokuwa akiongea na waandishi wa habari wakati wa ufunguzi wa maonesho ya kwanza ya viwanda Tanzania yaliyofanyika katika viwanja vya Sabasaba vilivyopo jijini humo.

Mollel amesema kuwa Tanzania imeamua kuwa nchi ya viwanda lakini bila kuwa na rasilimali watu wenye ujuzi na elimu ya kutosha kuhusu uzalishaji na uendelezaji wa viwanda hakutakuwa na maendeleo kwani maendeleo yoyote mzizi wake ni elimu na ujuzi.

“Kuna  baadhi ya masomo ambayo ni muhimu hayapatikani katika vyuo vya Tanzania na kama zinapatikana basi nafasi ni chache hivyo,taasisi hii ni kama daraja la kutengeneza rasilimali watu wenye ubora watakaoleta maendeleo ya nchi kupitia kusoma nchi za nje,”alisema Mollel.

Ameongeza kuwa ili nchi ipate maendeleo kwa haraka ni lazima isaidiwe na taasisi na mashirika binafsi na ndio maana taasisi hiyo imeamua kuisaidia Serikali kwa kuwarahisishia Watanzania kupata elimu nje ya nchi ambayo itasaidia Serikali kupunguza matumizi pamoja na kuzuia wataalamu wa nchi za nje kufanya kazi nchini.

Mkurugenzi huyo amefafanua kuwa mpaka sasa chuo hicho kimeshatoa wanafunzi takribani 5400 ambao wengi wao wameshika nyazfa mbalimbali kwenye taasisi za Umma na Binafsi.

Aidha, taasisi hiyo ina mpango wa kuandaa programu za miezi 4 hadi 6 ambazo zitakuwa maalum kwa ajili ya kuongeza ujuzi kwa wafanyakazi  kwa kupitia elimu ya vitendo kwenye viwanda mbalimbali vilivyoko nchini India.

Taasisi hiyo imeanzishwa mnamo mwaka 2006 ikiwa na lengo la kurahisisha mchakato na kuwaondolea usumbufu wanafunzi wanaohitaji kwenda kusoma nje ya nchi pamoja na kuwasaidia wanafunzi kutimiza ndoto zao.

TAASISI YA OCEAN ROAD YAFANYA MATEMBEZI YA HISANI KUCHANGIA SARATANI YA MATITI JIJINI DAR

Naibu waziri wa Afya, Maendeleo ya Jamii, Jinsia, Wazee na Watoto Hamis Kigwangala akizungumza mara baada ya kumaliza matembezi ya hisani ya kuhamasisha uchunguzi wa saratani ya matiti yaliyoandaliwa na Taasisi ya Saratani ya Hospitali ya Ocean Road jijini Dar es Salaam ambapo huu ni mwaka wa nne tokea yameanzishwa. Picha na Cathbert Kajuna wa Kajunason Blog.

Mmoja ya wagonjwa ambaye amepona saratani ya matiti akitoa ushuhuda mbele ya wageni.

 Askari wakiongoza matembezi ya hisani ya kuhamasisha uchunguzi wa saratani ya matiti yaliyofanyika jijini Dar es Salaam leo.

TAASISI ya Saratani ya Hospital ya Ocean Road leo imefanya matembezi ya hisani kwa lengo la Kuhamasisha na kuchangia zaidi ya milioni 120 zinazohitajika kwa ajili ya kununua vifaa tiba vya chemotherapy.

Matembezi hayo yalianzia Hospitali ya Ocean road na kumalizika hapo hapo huku wakizunguka moja ya barabara za jiji la Dar es Salaam huku Naibu waziri wa Afya, Maendeleo ya Jamii, Jinsia, Wazee na Watoto Hamis Kigwangala akiwa ni mgeni rasmi.

Matembezi ya hisani ya kuhamasisha uchunguzi wa saratani ya matiti yaliyoandaliwa na Taasisi ya Saratani ya Hospitali ya Ocean Road jijini Dar es Salaam

 Wananchi waliojitokeza katika mara baada ya kumaliza matembezi ya hisani ya kuhamasisha uchunguzi wa saratani ya matiti yaliyoandaliwa na Taasisi ya Saratani ya Hospitali ya Ocean Road jijini Dar es Salaam

MARIE STOPES TANZANIA KUADHIMISHA MIAKA 40 KWA KUTOA HUDUMA ZA AFYA BURE

Mkurugenzi Mkazi wa Marie Stopes, Anil Tambay (katikati) akiongea na waandishi wa habari kuelezea juu ya maadhimisho ya miaka 40 kwa kutoa huduma bure za uzazi wa mpango na uchunguzi wa kansa ya mlango wa kizazi kama maadhimisho ya miaka 40 ya Marie Stopes International. Maadhimisho hayo yanatarajia kufanyika Novemba 2-4, 2016 kwenye kliniki na hospitali zake zote nchini Tanzania.

Marie Stopes Tanzania itatoa huduma za uzazi wa mpango na uchunguzi wa kansa ya mlango wa kizazi bure kuanzia tarehe 2 hadi 4 Novemba kwenye kliniki na hospitali zake zote nchini kama sehemu ya kuadhimisha miaka 40 ya Marie Stopes International, na hivyo kuongeza idadi ya akina mama ambao wamewezeshwa kuwa na maamuzi juu ya mustakabali wa maisha yao wa kupata watoto kwa utashi na si kwa kubahatisha.

Marie Stopes Tanzania ni sehemu ya Marie Stopes International, shirika la kimataifa linalojihusisha na kutoa huduma za afya ya uzazi na lilianzishwa mwaka 1976. Katika wiki inayoanzia Oktoba 31, tutakuwa tuaadhimisha miaka 40 tangu kuanzishwa kwa Maries Stopes International.

Kwa miaka 40 tangu kuanzishwa kwake, Marie Stopes International imepanuka kutoka kuwa na zahanati moja jijini London, na kuwa shirika la kimataifa linalotoa huduma bora na nafuu za uzazi wa mpango katika nchi 37 duniani. Mwaka jana wanawake milioni 21 duniani walikuwa wanatumia angalau njia moja wapo ya uzazi wa mpango kwa kuhudumiwa na Marie Stopes International, ikiwa ni sehemu ya watumiaji wa uzazi wa mpango wapatao milioni 291. Marie Stopes International inanuwia kuzidisha takwimu za matokeo ya kiafya kwa kutoa huduma za uzazi wa mpango kwa watumiaji wapya wapatao milioni 12 ifikapo kwaka 2020. Hii ni sawa na asilimia 10 ya ahadi ya Mpango wa Kimataifa kwa mwaka 2020 wa Uzazi wa Mpango, yaani FP2020, inayolenga kuwafikia watumiaji wapya milioni 120 wa huduma za uzazi wa mpango ifikapo mwaka 2020. Tangu kujiwekea ahadi hii, tayari mamilioni ya mimba zisizotarajiwa zimeweza kuepukika, na maelfu ya vifo vinavyotokana na uzazi kwa akina mama vimepungua. Tumenuia kuchukua muelekeo huu, kufanya kazi zaidi na hata kuchukua hatua stahiki zaidi.

Kwa hapa nchini, shirika la Marie Stopes ilianzishwa mwaka 1989 na limeendelea kuwajibika kulingana na dhamira ya shirika. Mwaka jana, wanawake 447, 617 nchini walinufaika na huduma za uzazi wa mpango na hivyo kuwapa uwezo wa kuchagua lini na ama kusubiri kupata mtoto.

“Tumedhamiria kuendelea kufanya kazi kwa ukaribu na Serikali ya Jamhuri wa Muungano wa Tanzania katika kutimiza mpango wa kitaifa wa kuongeza matumizi ya njia za uzazi wa mpango kutoka asiliamia 32 kwa mwaka 2015 mpaka asilimia 45 kwa mwaka 2020, hasa kwa akina mama na wasichana. Hii ni sawa na ongezeko la watumiaji wapya wa uzazi wa mpango kutoka milioni 2.6 kwa mwaka 2016 hadi kufikia milioni 4.2. Marie Stopes Tanzania inalenga kuwafikia watumiaji wa njia za uzazi wa mpango milioni mbili hadi ifikapo mwaka 2020, kama njia ya kuendeleza jitihada za Serikali,” amesema Bw.Anil Tambay, Mkurugenzi Mkazi wa Marie Stopes.

Tunapoadhimisha miaka 40 ya Marie Stopes International, Marie Stopes Tanzania inaahidi kuboresha jitihada zake na kujikita katika maeneo yafuatayo, kati ya sasa na mwaka 2020 hapa nchini:

· Kuzifikia jamii za maeneo ya vijijini kwa huduma za uzazi wa mpango, hasa kwa akina mama na vijana. Tunaahidi kuhakikisha kuwa asilia 70 ya watakaofikiwa kwa kutumia njia za uzazi wa mpango ni wale watu masikini wanaoishi chini ya Dola Moja wa Kimarekani kwa siku (sawa na Sh. 2,730) na takriban asilimia 20 vijana chini ya miaka 20. Tayari tunaendesha huduma za mkoba (outreach teams) 35 katika mikoa yote ya Tanzania Bara na Zanzibar.

· Tunafanya kazi na mamlaka za Serikali Kuu, Mikoani na ngazi za Wilaya ili kuboresha ubora wa huduma. Zaidi ya watoa huduma wa Serikalini 600 wameweza kupata mafunzo kutoka kwetu kwa mwaka jana na kwa sasa wanaendelea kutoa huduma. Watumishi Zaidi watapewa mafunzo kama sehemu ya kujengea uwezo sekta ya umma.

· Kufanya kazi na Taasisi zisizokuwa za kiserikali (NGOs) kujenga hoja na ushawishi katika kuboresha bajeti na sera husika. Mpango Mkakati wa kuboresha Afya ya Uzazi, watoto na Vijana waliofikia umri wa kubarehe ya mwaka 2016-2020 inaonyesha kuwa karibu Dola milioni 75 zinahitajika kununua na kusambaza dawa na vifaa tiba vya uzazi wa mpango kwa kila mwaka, lakini bado kitaifa tuko nyuma sana kufikia lengo hilo. Tutashawishi kuwepo kwa jitihada hahsusi kutenga rasilimali kwa ajili ya kupambana na mimba za utotoni na zile zisizotarajiwa miongoni mwa vijana, takwimu ambayo inaongezeka badala ya kupungua (takriban asilimia 27 ya wasichana wadogo walianza kuzaa watoto katika mwaka 2015 ikilinganishwa na asilimia 23 kwa mwaka 2010).

Nchini Tanzania, Marie Stopes itasherekea maadhimisho ya miaka 40 kwa kutoa huduma bure kwa wateja wetu kama namna ya kuwashukuru kwa imani yao toka kuanzishwa kwetu hadi sasa. Bw. Tambay alisema, “tunajivunia nafasi tuliyonayo katika kuitekeleza dhamira ya Marie Stopes International ya Wototo kwa Utashi na si kwa Kubahatisha. Shirika hili liliundwa ili kuwawezesha wanawake na familia kupata haki yao ya kuchagua kama wanataka kuwa na watoto na lini wapate watoto, hivyo Marie Stopes Tanzania imedhamiria kuhakikisha watanzania wanaipata haki hiyo.

SSRA YATOA ELIMU YA HIFADHI YA JAMII KWA WAKULIMA, VYUO VYA UALIMU NA VETA KATIKA MIKOA YA RUKWA, KIGOMA NA KATAVI

Mgeni rasmi Kaimu RAS Mkoa wa Rukwa Bw. Abubakary Kunenge, akitoa hotuba wakati wa ufungizi wa semina ya elimu ya Hifadhi ya Jamii kwa wakulima wa MVIWATA Rukwa, Kulia ni Mwenyekiti wa MVIWATA Rukwa Bi. Lydia Ruhilo na kushoto ni Mkurugenzi wa Mamlaka ya Usimamizi na Udhibiti wa Sekta ya Hifadhi ya Jamii (SSRA), Bw. Mohamed Nyasama.

Sehemu ya Wanafunzi wa Chuo cha Ualimu Sumbawanga wakisikiliza kwa makini mada zilizokuwa zikitolewa kutoka SSRA wakati wa Semina ya elimu ya Hifadhi ya Jamii Mkoani Rukwa hivi karibuni.

Afisa wa Mamlaka ya Usimamizi na Udhibiti wa Sekta ya Hifadhi ya Jamii (SSRA), Bw. Samuel Nzunda akiwasilisha mada wakati wa semina ya elimu ya Hiafadhi ya Jamii mkoani Rukwa.

Wawakilishi kutoka Mamlaka ya Usimamizi na Udhibiti wa Sekta ya Hifadhi ya Jamii (SSRA), wakiwa katika picha ya pamoja na wakufunzi wa Chuo cha VETA-Kigoma mara baada ya semina ya elimu ya Hifadhi ya Jamii iliyoendeshwa na SSRA mkoani humo hivi karibuni.

Bi Carina Wangwe, kutoka SSRA akifafanua jambo wakati wa semina ya elimu ya Hifadhi ya Jamii kwa wadau mkoani Kigoma.

Afisa kutoka SSRA, Bw. Ally Masaninga akiwasilisha mada wakati wa semina ya elimu ya Hifadhi ya Jamii mkoani Kigoma hivi karibuni.

Wanafunzi wa Chuo cha UfundiStadi – VETA Kigoma wakisikiliza kwa makini mada kutoka kwa maofisa wa SSRA. 

Wawakilishi wa SSRA wakiwa katika picha ya pamoja na baadhi ya wanafunzi wa Chuo cha Newma-Kigoma mara baada ya semina ya elimu ya Hifadhi ya Jamii kwa wanafunzi wa Chuo hicho.

Bw. Onorius Njole, Mkurugenzi wa Huduma za Sheria kutoka SSRA akifafanua jambo wakati wa semina kwa wadau wa Chuo cha Ualimu Mpanda.

Wanafunzi wa Chuo cha Ufundi Stadi – VETA Mpanda wakisikiliza kwa makini mada kutoka SSRA.

Afisa kutoka SSRA Bi. Beatrice Ngong’ho akigawa vifaa kwa wanafunzi wa Chuo Cha Ualimu Mpanda wakati wa semina ya elimu ya Hifadhi ya Jamii mkoani Katavi.

Sehemu ya wafanyakazi na wanafunzi wa Chuo cha Ufundi Stadi VETA mkoani Mpanda wakiwa katika picha ya pamoja na wawakilishi kutoka SSRA wakati wa semina za elimu kwa Umma mkoani humo.

Wanafunzi wa darasa la Saba waaswa kuongeza bidii katika masomo ya Sayansi

Mkuu wa Idara ya Uhandisi Mazingira (Environmental Engineering) Dr. Fredrick Salukele akiwaelezea wanafunzi matumizi ya vifaa mbalimbali vitumikavyo kwenye shughuli za ufundishaji, utafiti na utoaji ushauri wa kitaalam, mfano wa vifaa hivyo ni Gaschromatograph kinachoonekana kwenye picha.

Wanafunzi wa Shule ya Mtakatifu Maximilian walipotemblea Maabara ya Sayansi ya Mazingira na Tekinolojia ya Chuo Kikuu Ardhi. Maabara hiyo hutumika kwa ajili ya shughuli za Ufundishaji, Utafiti na Uhauri wa kitaalamu katika fani ya Sayansi ya Mazingira.

Wanafunzi wakiangalia kwa makini baadhi ya kazi za ubunifu majengo zilizo fanywa na wanafunzi wa Skuli ya Ubunifu Majengo wa Chuo Kikuu Ardhi. Kubuni aina mbalimbali za majengo ni moja kati ya mahitaji kwenye mtaala wa kufundishia program ya Usanifu Majengo ya Chuo Kikuu Ardhi

Mtaalam kutoka Skuli ya Sayansi ya Jiomatiki wa Chuo Kikuu Ardhi Bw. Pius Lugomela (mwenye shati la bluu), akitoa malezo kuhusu vifaa mbalimbali vya upimaji ramani vilivyoko kwenye maabara ya Skuli iyo.Vifaa kwenye maabara hiyo pia hutumika kwa ajili ya shuguli za ufundishaji, utafiti na ushauri wa kitaalamu kwenye maenneo ya upimaji ardhi na ramani.

Na. Hadija Maulid - Chuo Kikuu Ardhi. 

Chuo Kikuu Ardhi kimetoa wito kwa wanafunzi wanaosoma darasa la saba kote nchini kufanya bidii katika masomo ya Sayansi na Hisabati ili waweze kujenga msingi imara na kuandaa mazingira ya kujiunga na fani za Sayansi katika elimu ya Sekondari na vyuo vikuu.

Wito huo huo umetolewa leo jijini Dar es salaam na baadhi ya wataalamu wa Chuo hicho mara baada ya kuwapokea wanafuzi 84 wa Shule ya Msingi ya Mtakatifu Maximilian waliotembelea maeneo mbalimbali ya chuo hicho kwa lengo la kujifunza majukumu ya chuo hicho na elimu inayotolewa.

Wakiwa chuoni hapo wanafunzi hao wamepata fursa ya kuitembelea Skuli ya Sayansi ya Mazingira na Teknolojia (Environmental Science and Technology) Skuli ya Ubunifu Majengo (School of Architecture and Design) na Skuli ya Sayansi ya Jiomatiki na Tekinolojia (School of Geospatial Sciences and Technology).

Aidha, Wanafunzi hao walipata fursa ya kuuliza maswali mbali mbali kwa wataalamu.

Ziara hiyo imelenga kuwahamasisha wanafunzi kufanya vizuri katika masomo ya Sayansi ili waweze kupata alama za juu zitakazowawezesha kuendelea na masomo ya kidato cha tano na sita na kisha kujiunga na Chuo kikuu Ardhi ili baadaye wawe wataalamu katika fani mbalimbali za Ardhi na Mazingira.

UMOJA WA MAFUNDI GEREJI WATENGENEZA MAGARI NANE YA OFISI YA MKUU WA MKOA WA DAR ES SALAAM BURE , WATOA MSAADA WA MADAWATI 100

Magari ya Ofisi ya Mkuu wa Mkoa kwa yaliyogharimu zaidi ya Sh.Milioni 42 za matengenezo ikiwa ni sehemu kusaidia ofisi hiyo wafanyakazi kusafiri kutoka sehemu moja kwenda nyingine  kutoa huduma kwa wananchi.

Sehemu ya wananchi wakimsikiliza Mkuu wa Mkoa wa Dar es Salaam, RC Paul Makonda  leo jijini Dar Dar es Salaam.

 Mkuu wa Mkoa wa Dar es Salaam, Paul Makonda akiingia katika moja ya gari ambayo imetengenezwa na umoja wa mafundi gereji bure ikiwa ni sehemu ya mchango wao ufundi katika serikali leo jijini Dar es Salaam.

 Mkuu wa Mkoa wa Dar es Salaam, Paul Makonda akizungumza na viongozi wa umoja wa mafundi gereji ambao walikuwa wanamkabidhi magari manne  waliyotengeneza bure ikiwa ni sehemu ya mchango wao ufundi katika serikali leo jijini Dar es Salaam.

  Mkuu wa Mkoa wa Dar es Salaam, Paul Makonda akizungumza na viongozi wa umoja wa mafundi gereji ambao walikuwa wanamkabidhi magari manne  waliyotengeneza bure ikiwa ni sehemu ya mchango wao ufundi katika serikali leo jijini Dar es Salaam.

 Magari yaliyotengenezwa bure na mafundi hao

 Sehemu ya wananchi wakimsikiliza Mkuu wa Mkoa wa Dar es Salaam, RC Paul Makonda  leo jijini Dar Dar es Salaam.

 Mkuu wa Mkoa wa Dar es Salaam, Paul Makonda akiendesha moja ya gari ambayo imetengenezwa na umoja wa mafundi gereji bure ikiwa ni sehemu ya mchango wao ufundi katika serikali leo jijini Dar es Salaam.

 Mkuu wa Mkoa wa Dar es Salaam, Paul Makonda akiingia katika moja ya gari ambayo imetengenezwa na umoja wa mafundi gereji bure ikiwa ni sehemu ya mchango wao ufundi katika serikali leo jijini Dar es Salaam.

Mkuu wa Mkoa wa Dar es Salaam, Paul Makonda akitesti moja ya gari ambayo imetengenezwa na umoja wa mafundi gereji bure ikiwa ni sehemu ya mchango wao ufundi katika serikali leo jijini Dar es Salaam.
---

Na Chalila Kibuda, Globu ya Jamii.

UMOJA wa Mafundi wa Gereji wa Wilaya Kinondoni wametengeneza magari ya Ofisi ya Mkuu wa Mkoa kwa zaidi ya Sh.Milioni 42 ikiwa ni sehemu kusaidia ofisi hiyo wafanyakazi kusafiri kutoka sehemu moja kwenda nyingine  kutoa huduma kwa wananchi.

Akizungumza leo na umoja huo wakati wa kukabidhiwa magari hayo, Mkuu wa Mkoa wa Dar es Salaam, Paul Makonda amesema bila ya madereva hao kutokea kuna baadhi ya watumishi walikuwa tayari wanajiandaa kununua magari hayo.

Makonda amesema kuwa kutengeneza magari hayo kuna baadhi ya watu walikuwa wanaombea suala hilo lishindikane lakini mafundi wameonyesha uwezo wao  kwa kutengeneza bure ikiwa ni sehemu kuunga mkono juhudi za Rais Dk.John Pombe Magufuli.

Amesema wapo watu wanauwezo lakini wameshindwa kusaidia isipokuwa mafundi wamedhubutu kutengeneza magari ya serikali kwa gharama yao wenyewe.

Makonda amesema kuwa mafundi gereji kwa mara ya kwanza watakuwa wameandika historia ya dunia kujitoa kwa kutengeneza magari serikali bure watumishi wasiweze kutengeneza mazingira ya kukaa ofisini  kutokana na kukosa usafiri.

Mkuu wa Mkoa kwa awamu ya kwanza amekabidhiwa magari manne yaliyongenezwa na mafundi gereji yaliyo gharimu zaidi ya sh.milioni 17 na magari mengine yatagharimu za zaidi ya sh.milioni  25 .

Amesema safari ya magari nane kupelekwa tegeta yaliondolewa kwa Break Down na zingine kubebwa na gari kutokana magari hayo hata tairi zake zilikuwa haziwezi kuzunguka.

Aidha amesema mafundi gereji ni watu wanyonge lakini wamekuwa mstari wa mbele hivyo wanahitaji kusaidiwa kwa nguvu zote pale wanapohitaji msaada  katika serikali.

Wakati huo huo  Umoja wa  Mafundi Gereji hao wamemkabidhi madawati 100  Mkuu wa Mkoa wa Dar es Salaam, Paul Makonda ikiwa kuunga kampeni ya mkuu wa mkoa huyo ya kuchangia madawati.

MSANII DIAMOND ATOA MSAADA WA MADAWATI 600 KWA MKUU WA MKOA WA DAR ES SALAAM MHE. MAKONDA

Mkuu wa Mkoa wa Dar es Salaam Mhe. Paul Makonda akimpongeza Mkurugenzi wa WCB, msanii Naseeb Abdul 'Diamond Platinumz' mara baada ya kumtembelea ofisini kwake na kutoa mchango wake wa madawati yapatayo 600 kwa ajili ya kuchangia maendelea ya mkoa. Akiongea katika makabidhiano hayo msanii huyo alisema ni jambo jema kwao kuweza kujitolea mchango huo ili kuweza kumuunga mkono Mhe. Makonda katika kukabilana na changamoto za elimu.

Mkurugenzi wa WCB, msanii Naseeb Abdul 'Diamond Platinumz' akiongea mara baada ya kukabidhi msaada wa madawati yapatayo 600 kwa mkuu wa mkoa wa Dar es Salaam Mhe. Paul Makonda ili kuweza kupunguza tatizo la wanafunzi kukaa chini. Makabidhiano hayo yalifanyika leo Juni 6, 2016 ofisini kwa mkuu wa mkoa jijini Dar es Salaam.

Mkuu wa Mkoa wa Dar es Salaam, Mhe. Paul Makonda akitoa shukrani zake za pekee kwa Mkurugenzi wa WCB, msanii Naseeb Abdul 'Diamond Platinumz' kwa kuweza kutoa madawati 600 ikiwa ni mchango wake katika elimu ya kuweza kufanya wanafunzi kukaa sehemu salama. Mhe. Makonda alisema kuwa wakati umefika kwa wasanii wakaweza kujitoa katika jamii ambayo imekuwa ikiwapa wao sapoti na msanii Diamond amekuwa wa kwanza kuonyesha moyo wa pekee kwa kurudisha fadhila.

Mkuu wa Mkoa wa Dar es Salaam, Mhe. Paul Makonda akiwa katika picha ya pamoja na uongozi wa WCB mara baada ya kumtembelea ofisini kwake.